គោរពវិញ្ញាណក្ខន្ធលោក កែម ឡី នៅក្នុងសណ្ឋាគារដោយខ្លាចក្រុមកាងសព?
19-July-2016 | ដោយ មែន កំសត់
ភ្នំពេញ ៖ រដ្ឋមន្ត្រីក្រសួងព័ត៌មានឯកឧត្តម ខៀវ កាញារីទ្ធ បានសម្តែងការសោកស្តាយ ដោយសារតែភាគីរដ្ឋាភិបាល និងសភា ដែលមានបំណងចង់ទៅគោរពវិញ្ញាណក្ខន្ធលោក កែម ឡី តែពួកគេមិនអាចទៅបាន ដោយសារតែ មានការកាង ពីក្រុមមនុស្សមួយចំនួនតូច។
ឯកឧត្តម ខៀវ កាញារីទ្ធបានថ្លែងយ៉ាងនេះ ពីក្នុងកិច្ចប្រជុំក្រុមការងារតាក់តែងសេចក្តីព្រាងច្បាប់ស្តីពី សិទ្ធិទទួលបានព័ត៌មាន ដែលត្រូវបានរៀបចំនៅក្នុងសណ្ឋាគារភ្នំពេញ។ មន្ដ្រីជាន់ខ្ពស់រដ្ឋាភិបាលរូបនេះ បានលើកឡើងថា “កន្លងមក ខាងសភា និងខាងរដ្ឋាភិបាល មិនអាចទៅគោរពវិញ្ញាណក្ខន្ធលោក កែម ឡី ដោយសារតែមានការគំរាមកំហែងពីក្រុមមួយចំនួនតូច។ ហើយនេះជាការខាតបង់ធំណាស់”។
នេះជាការអធិប្បាយរបស់ឯកឧត្តម រដ្ឋមន្ត្រីក្រសួងព័ត៌មាន បន្ទាប់ពីលោកបានស្នើឲ្យក្រុមការងារអ្នកតាក់តែងសេចក្តីព្រាងច្បាប់ ក្រោកឈររម្លឹកវិញ្ញាណក្ខន្ធលោក កែម ឡី មុននឹងចាប់ផ្តើមកិច្ចពិភាក្សាសេចក្តីព្រាងច្បាប់។
ទោះជាវាជា ការលើកឡើងដោយសមហេតុផលក្តី ក៏ពួករិះគន់និយមខ្លះនិយាយថាការដែលមន្ត្រីជាន់ខ្ពស់រដ្ឋាភិបាល រួមទាំងសភាខាងគណបក្សកាន់អំណាចមិនទៅគោរពវិញាណក្ខន្ធសពលោកកែម ឡីដោយផ្ទាល់ដោយសារតែ"ខ្លាចស្រមោលខ្លួនឯង"៕
ចំនួនអ្នកទស្សនា
- ថ្ងៃនេះ2751
- ម្សិលមិញ5181
- សប្តាហ៍នេះ25511
- ខែនេះ7941
- ឆ្នាំនេះ251181
- សរុប20693637